ՄԱԿ-ի Անվտանգության խորհրդում քվեարկության կդրվեն տարածաշրջանային լարվածության վերաբերյալ բանաձևեր
ՄԱԿ-ի Անվտանգության խորհրդում մարտի 11-ին քվեարկության է դրվելու Բահրեյնի ներկայացրած բանաձևը, որը դատապարտում է Իրանի հարձակումները տարածաշրջանում արաբական երկրների նկատմամբ։ Այս մասին հայտնում է BBC-ն։
Առաջարկվող բանաձևը կոչ է անում անհապաղ դադարեցնել Իրանի հարձակումները Բահրեյնի, Քուվեյթի, Օմանի, Կատարի, Սաուդյան Արաբիայի, ԱՄԷ-ի և Հորդանանի վրա։
Մեկ այլ բանաձև էլ ներկայացրել է Ռուսաստանը։ Փաստաթղթում, առանց տալու Իրանի, Իսրայելի կամ ԱՄՆ-ի անունները, դատապարտվում են բոլոր հարձակումները քաղաքացիական անձանց դեմ՝ կոչ անելով բոլորին դադարեցնել կռիվն ու վերադառնալ բանակցային սեղանի շուրջ։
