Կանադան կոչ է արել իր քաղաքացիներին անհապաղ լքել Իրանը Հայաստանի կամ Թուրքիայի սահմանով
Կանադայի իշխանությունները կոչ են արել իրենց քաղաքացիներին անհապաղ լքել Իրանը Հայաստանի կամ Թուրքիայի հետ ցամաքային սահմաններով։ Հայտարարությունը տարածվել է Կանադայի կառավարության էջում։
Արևմտյան լրատվամիջոցները հայտնել են, որ ցույցերի ընթացքում կան հարյուրավոր զոհեր։ Մասնավորապես, Assocated Press-ը, հղում անելով ամերիկյան իրավապաշտպան կազմակերպություններից մեկի տվյալներին, հայտնում է 544 զոհի մասին, որոնցից 496-ը ցուցարարներ են, իսկ 48-ը՝ իրավապահներ։ Լրատվամիջոցի տվյալներով՝ երկրում շուրջ երկու շաբաթ շարունակվող ցույցերի ընթացքում ձերբակալվել է ավելի քան 10600 մարդ։ Իրանում զոհերի հիշատակին եռօրյա սուգ է հայտարարվել։
