Չեխիան վիզայի տրամադրման գործընթացում կօգտվի վիզա կենտրոնի ծառայություններից
Հայաստանում Չեխիայի դեսպանությունը վիզայի տրամադրման գործընթացում կօգտվի վիզա կենտրոնի ծառայություններից:
Այս մասին «Ֆեյսբուք»-ի իր էջում գրել է Հայաստանի Հանրապետությունում Չեխիայի արտակարգ և լիազոր դեսպան Պետր Պիրունչիկը:
«Առաջիկայում կմեկնարկի Հայաստանում կարճաժամկետ վիզաների դիմումների մշակման ծառայությունների արտաքին տրամադրման կոնցեսիայի ընթացակարգը: Հայտերը կարող են ներկայացվել միայն էլեկտրոնային եղանակով: Կոնցեսիոն ընթացակարգի մեթոդն ու պայմանները պարունակող հղումը, որի միջոցով կարող են ներկայացվել մրցութային հայտերը, կհրապարակվեն Հայաստանում Չեխիայի Հանրապետության դեսպանության կայքում՝ կոնցեսիոն ընթացակարգի բացման ժամանակ»,- գրել է դեսպանը:
Հայաստանի և Չեխիայի միջև դիվանագիտական հարաբերությունները հաստատվել են 1993թ-ին: 2015 թվականին Երևանում բացվել է Չեխիայի դեսպանատունը:
