ՀԱՄԱՍ-ը Կահիրեում կքննարկի Գազայի խաղաղության ծրագրի երկրորդ փուլին անցնելը. լրատվամիջոցներ
Պաղեստինյան ՀԱՄԱՍ շարժման պատվիրակությունը հաջորդ շաբաթ Եգիպտոսի մայրաքաղաքում կայանալիք բանակցությունների ժամանակ կքննարկի Գազայի խաղաղության ծրագրի երկրորդ փուլին անցնելը, այդ թվում՝ Գազայի կառավարման կոմիտեի ձևավորման հարցը: Այս մասին միջարաբական «Asharq Al-Awsat» հրատարակությանը հայտնել է պաղեստինյան աղբյուրը։
Երեքշաբթի օրը Կատարի արտաքին գործերի նախարարության խոսնակ Մաջիդ ալ-Անսարին հայտարարել է, որ Դոհան Գազայի հակամարտության կողմերի միջև այլ միջնորդների հետ քննարկում է հրադադարի համաձայնագրի երկրորդ փուլին անցնելու հարցը, որը ներառում է միջազգային կոնտինգենտի տեղակայումը և այնտեղ նոր իշխանությունների ձևավորումը։ Նա նաև հայտարարել է, որ Կատարը միջնորդների հետ բանակցություններ է վարում Գազայի հատվածի և Եգիպտոսի միջև Ռաֆահ անցակետի վերաբացման և մարդասիրական օգնության մատակարարման վերաբերյալ։
«ՀԱՄԱՍ-ի պատվիրակությանը հաջորդ շաբաթ կընդունեն Կահիրեում… Այցի ընթացքում կքննարկվեն հրադադարի համաձայնագրի երկրորդ փուլի կետերը, առաջին հերթին՝ Գազայի հատվածի կառավարման տեխնոկրատական կոմիտեի կազմը»,- ասել է շարժման ղեկավարությանը մոտ կանգնած աղբյուրը։
