Վենեսուելայում իրականացված ինտերվենցիան թուլացնում է երրորդ համաշխարհային պատերազմի կանխումը. ՄԱԿ
Վենեսուելայում ԱՄՆ-ի իրականացրած ռազմական միջամտությունը վնասում է միջազգային անվտանգության ճարտարապետությունը։ Այս մասին հայտարարել է ՄԱԿ-ի մարդու իրավունքների գերագույն հանձնակատար Ֆոլկեր Թյուրքը։
«Ռազմական այս միջամտությունը խախտելով Վենեսուելայի ինքնիշխանությունը և ՄԱԿ-ի կանոնադրությունը՝ վնասում է միջազգային անվտանգության ճարտարապետությունը և պակաս անվտանգ դարձնում յուրաքանչյուր երկիր»,- նշել է Ֆոլկեր Թյուրքը բրիտանական The Guardian թերթի համար գրած հոդվածում։
Հեղինակի գնահատմամբ՝ դա թուլացնում է երրորդ համաշխարհային պատերազմը կանխելու միակ մեխանիզմը՝ Միացյալ ազգերի կազմակերպությունը։
