Թուրքիան ցանկանում է Ադրբեջանի հետ ազատ առևտրի համաձայնագիր կնքել
Թուրքիայի առևտրի նախարար Օմեր Բոլաթը մասնակցել է Ադրբեջանի մայրաքաղաք Բաքվում անցկացվող «Թուրքիա-Ադրբեջան ներդրումային 2-րդ համաժողովին», որի շրջանակներում հանդես է եկել նաև հայտարարություններով: Վերջինս նշել է, որ երկկողմ առևտուրն էլ ավելի զարգացնելու համար շփումների մեջ են գտնվում թե՛ մասնավոր շրջանակների և թե՛ պետպաշտոնյաների հետ: Այս մասին տեղեկացնում է ermenihaber.am-ը։
«Մենք ամբողջ ուժով վազում ենք դեպի Թուրքիայի և Ադրբեջանի միջև տնտեսական ու առևտրային էլ ավելի բարձր նպատակներ»,- հավելել է նա:
Բացի այդ վերջինս ընդգծել է, որ 2021-ին Ադրբեջանի հետ կնքած արտոնյալ առևտրային համաձայնագիրն արդեն իսկ դրական ազդեցություններ է ունեցել, ապա հայտարարել, որ ցանկանում են Ադրբեջանի հետ ազատ առևտրի համաձայնագիր կնքել:
«Այս հարցի շուրջ բանակցում են երկու կառավարության տեխնիկական թիմերը: Կատարվում են գնահատողական և վերլուծական աշխատանքներ: Աստծո կամոք, ժամանակի ընթացքում սա էլ ենք հաջողելու»,- եզրափակել է Բոլաթը:
