Չինաստանում գնահատել են միջուկային զենք ունենալու ցանկության մասին Ճապոնիայի հայտարարությունները
Չինաստանը ցնցված է միջուկային զենքի վերաբերյալ ճապոնացի բարձրաստիճան պաշտոնյայի հայտարարություններից: Այս մասին հայտարրաել է Չինաստանի արտաքին գործերի նախարարության խոսնակ Լին Ցզյանը, հաղորդում է РИА Новости-ն:
Kyodo լրատվական գործակալության համաձայն, Ճապոնիայի վարչապետ Սանաե Տակաիչիի գրասենյակի ազգային անվտանգության հարցերով պատասխանատու պաշտոնյան, ով չի ցանկացել ներկայանալ, կարծում է, որ Տոկիոյին անհրաժեշտ է միջուկային զենք։
«Եթե Ճապոնիան համարձակվի մարտահրավեր նետել միջազգային նորմերին, մարտահրավեր նետել միջազգային արդարադատությանը և փորձարկել միջազգային հանրության սահմանները, մենք դրան թեթևամտորեն չենք վերաբերվի»,- ասել է Չինաստանի արտաքին գործերի նախարարության խոսնակը։
Լին Ցզյանը հավելել է, որ Չինաստանը կտրականապես դեմ է Ճապոնիայի կողմից վտանգավոր միջուկային զենքի մշակմանը։
