Թրամփը Լոնդոնի քաղաքապետին սարսափելի մարդ է անվանել
ԱՄՆ նախագահ Դոնալդ Թրամփը Լոնդոնի քաղաքապետ Սադիք Խանին անվանել է աշխատանքում ձախողված սարսափելի մարդ։ Ամերիկացի առաջնորդն այս հայտարարությունն արել է Politico-ին տված հարցազրույցում՝ խոսելով Մեծ Բրիտանիայի մայրաքաղաքում միգրանտների հետ կապված իրավիճակի մասին։
«Նա սարսափելի քաղաքապետ է։ Նա անգործունակ քաղաքապետ է, բայց նաև սարսափելի, չար, զզվելի քաղաքապետ։ Կարծում եմ՝ նա սարսափելի աշխատանք է կատարել… Նրանք թույլ են տալիս մարդկանց պարզապես մուտք գործել երկիր և չթեստավորվել», – ասել է քաղաքական գործիչը։
Թրամփը հավելել է, որ սիրում է Լոնդոնը, ուստի իր համար դժվար է պատկերացնել, թե ինչ է կատարվում քաղաքի հետ։
