44 օրյա պատերազմում վիրավորում ստացած մեր եղբայրներից Էրիկը հորս որոշմամբ նշանակվել է ՀԱՕԿ նախագահի օգնական. Հովհաննես Ծառուկյան
Ոչ օլիմպիական մարզաձևերի միության համահիմնադիր Հովհաննես Ծառուկյանը ֆեյսբուքի իր էջում լուսանկարներ է հրապարակել՝ կից գրառմամբ.
«44 օրյա պատերազմում վիրավորում ստացած մեր եղբայրներից Էրիկը, ով վայելում է շատերի սերն ու հարգանքը և ունի բարձր կազմակերպվածություն, այսօր հորս որոշմամբ նշանակվել է ՀԱՕԿ նախագահի օգնական։
Էրիկը կհամախմբի պատերազմում վիրավորում ստացած մեր մյուս եղբայրներին և համատեղ ուժերով հնարավորություն կստեղծենք բոլորի համար, ինչպես Երևանում, այնպես էլ մարզերում մարզումները շարունակելու և բազմաթիվ խնդիրների լուծում տալու համար։
Շնորհավորում եմ քեզ եղբայր, մաղթում արգասաբեր ու արդյունավետ աշխատանքային գործունեություն։
Մենք միշտ Ձեր կողքին ենք»:
