Սիրիայի պաշտպանության նախարարը հայտնել է քրդերի հետ լիակատար հրադադար ձեռք բերելու մասին
Սիրիայի անցումային կառավարության պաշտպանության նախարարության ղեկավար Մուրհաֆ Աբու Կասրան հայտնել է, որ շփման գծերի ողջ երկայնքով անհապաղ հրադադարի մասին համաձայնագրի են կնքել քրդական «Սիրիայի դեմոկրատական ուժեր» (SDF) խմբավորման հետ։
«Ես հենց նոր Դամասկոսում հանդիպեցի SDF հրամանատար Մազլում Աբդիի հետ։ Մենք համաձայնության եկանք Սիրիայի հյուսիսային և հյուսիսարևելյան մասերում ուժերի տեղակայման բոլոր կետերում համապարփակ հրադադարի շուրջ»,-Ֆեյսբուքի իր էջում գրել է Աբու Կասրան՝ հավելելով, որ համաձայնագրի իրականացումը կսկսվի անմիջապես։
