Մեծ Բրիտանիան արդեն իսկ պատերազմական վիճակի մեջ է Ռուսաստանի հետ. MI5-ի նախկին ղեկավար Էլիզա Մենինգհեմ-Բուլլեր
Մեծ Բրիտանիայի հակահետախուզական գործակալության՝ MI5-ի նախկին ղեկավարի կարծիքով՝ Մեծ Բրիտանիան արդեն պատերազմական վիճակի մեջ է Ռուսաստանի հետ՝ Մոսկվայի կողմից կազմակերպված կիբերհարձակումների, դիվերսիաների և այլ թշնամական գործողությունների մասշտաբների և ինտենսիվության պատճառով։ Այս մասին հաղորդել է The Guardian-ը։
Էլիզա Մենինգհեմ-Բուլլերը, որը 20 տարի առաջ ղեկավարել է MI5-ը, համաձայն է Ռուսաստանի հարցերով փորձագետ Ֆիոնա Հիլի այն մեկնաբանության հետ, որ Մոսկվան պատերազմի մեջ է Արևմուտքի հետ։
«Կարծում եմ՝ նա կարող է ճիշտ լինել՝ ասելով, որ մենք արդեն պատերազմի մեջ ենք Ռուսաստանի հետ։ Սա այլ տեսակի պատերազմ է, բայց թշնամանքը, կիբերհարձակումները, ֆիզիկական հարձակումները և հետախուզական գործունեությունը մեծ մասշտաբի են», – ասել է նա։
