Օլեգ Բասիլաշվիլին այլևս բեմ դուրս չի գա
Դերասան Օլեգ Բասիլաշվիլին NEWS.ru-ի հետ զրույցում ասել է, որ այլևս ելույթ չի ունենալու Տովստոնոգովի անվան դրամատիկական մեծ թատրոնում:
Բասիլաշվիլիի խոսքով՝ թատրոնի ներկայիս խաղացանկից հանվել են այն ներկայացումները, որոնցում նա մասնակցել է:
«Ես այլևս ելույթ չեմ ունենալու»,- կիսվել է դերասանը:
Բասիլաշվիլին իր ընտանիքի հետ ապրում է Ռեպինոյում, Սանկտ Պետերբուրգի մոտ։ Դերասանը չի մասնակցում որևէ հասարակական միջոցառման:
Օգոստոսի 26-ին Ռուսաստանի նախագահ Վլադիմիր Պուտինը շնորհավորել է Օլեգ Բասիլաշվիլիին 90-ամյակի կապակցությամբ՝ մաղթելով ոգու ամրություն և բարգավաճում։
