Կներեք էլի, քանի՞ անգամ եք անձնագիրը բացում ու կնիքը նայում, Արարատը ֆիքսում. Սրբուհի Գալյան
Լրագրողներն այսօր Արդարադատության նախարար Սրբուհի Գալյանից հետաքրքրվեցին՝ ՔՊ-ն ի՞նչ ունի Արարատի դեմ։
«Կներեք էլի, քանի՞ անգամ եք անձնագիրը բացում ու կնիքը նայում, Արարատը ֆիքսում»,- ասաց նա՝ անդրադառնալով ՀՀ մուտքի կամ ելքի կնիքի վրայից Արարատ լեռան պատկերը հանելու որոշմանը։
Գալյանի համար Արարատը պատմականորեն բիբլիական լեռ է, երբ Զեյթուն համայնքից գալիս է աշխատանքի ու եղանակը պարզ է լինում, իր օրը շատ լավ է սկսում։
«Մենք ապրում ենք մեր պատմական անցյալը չմոռանալու գաղափարով ու մեր հայացքով՝ ուղղված դեպի ապագային ու իրականությանը»,- նշեց նախարարը։
