Թրամփի օգնականները սպառնալիքներ են ստացել
ԱՄՆ Գաղտնի ծառայությունը հետաքննություն է սկսել ԱՄՆ նախագահ Դոնալդ Թրամփի օգնականների հասցեին ուղղված սպառնալիքների վերաբերյալ: Այս մասին հաղորդում է Bloomberg-ը՝ հղում անելով աղբյուրներին։
«Սպիտակ տան երկու օգնականներ և իրավապահ մարմինների մեկ այլ բարձրաստիճան պաշտոնյա ստացել են սպառնալիքներ, ինչից հետո ԱՄՆ գաղտնի ծառայությունը Նյու Յորքի տարածքում սկսել է կապի սարքերի կասկածելի ցանցի հետաքննությունը»,- հաղորդում է գործակալությունը։
Նշվում է, որ սպառնալիքներով լի զանգերը Գաղտնի ծառայությանը դրդել են սկսել հետաքննություն, որի արդյունքում բացահայտվել է գաղտնի հեռահաղորդակցության ցանց։
