Թեհրանը հայտարարել է, որ միջուկային զենք արտադրելու մտադրություն չունի
Իրանը միջուկային զենքի կարիք և այն արտադրելու մտադրություն չունի։
Այս մասին հայտարարել է Իրանի գերագույն առաջնորդ Ալի Խամենեին՝ հեռուստատեսային տեսաուղերձի ժամանակ։
«Այսօր մենք ունենք ուրանի հարստացման բարձր մակարդակ։ Իհարկե, այն երկրները, որոնք ցանկանում են միջուկային զենք մշակել, այն բարձրացնում են մինչև 90 տոկոս։ Քանի որ մենք զենքի կարիք չունենք և որոշել ենք հրաժարվել դրանից, այդքան էլ չենք բարձրացրել։
Մենք այն բարձրացրել ենք մինչև 60 տոկոս, որը շատ բարձր մակարդակ է, շատ լավ մակարդակ, ինչն անհրաժեշտ է մեր երկրի առջև ծառացած որոշ խնդիրներ լուծելու համար», – ասել է Իրանի գերագույն առաջնորդը։
