Netflix-ը նոր սարսափ ֆիլմ կթողարկի՝ նկարահանված դել Տորոյի գրքի հիման վրա
Netflix-ը հայտարարել է նոր՝ «Տղան երկաթե արկղի մեջ» վերնագրով սարսափ ֆիլմի մասին։ Ֆիլմը հիմնված է ռեժիսոր Գիլյերմո դել Տորոյի և նրա համահեղինակ Չակ Հոգանի գրքերի շարքի վրա։
Սյուժեն կենտրոնանում է վարձկանների մի խմբի վրա, որոնք վթարային վայրէջք են կատարում լեռներում։ Խումբը շուտով լքված ամրոցում հայտնաբերում է շղթաներով ամրացված մի արկղ։ Այն բացելուց հետո նրանք հայտնաբերում են մի տղայի, որը շուտով սկսում է ահաբեկել նրանց։
Դեյվիդ Փրայորը հանդես կգա որպես ֆիլմի ռեժիսոր։ Դել Տորոն կլինի պրոդյուսերը։ Գլխավոր դերերում կլինեն Ջեյդեն Մարտելը, Ռուպերտ Ֆրենդը և Քևին Դյուրանդը։
Նկարահանումները կսկսվեն հոկտեմբերին։ Սարսափ ֆիլմի թողարկման ամսաթիվը դեռևս հայտնի չէ։ Դել Տորոն նոյեմբերի 7-ին Netflix-ում կթողարկի «Ֆրանկենշտեյն» վեպի իր էկրանավորումը՝ Օսկար Այզեքի մասնակցությամբ։
