Մեր պետությունը ստեղծվեց միլիոնավոր մարդկանց հավատով ու նվիրական երազանքներով, և որևէ իշխանություն չի կարող ձևախեղել այս արժեքները հանուն սեփական իշխանության․ Արման Թաթոյան
ՀՀ նախկին ՄԻՊ Արման Թաթոյանը ֆեյսբուքյան իր էջում գրում է․
«Պետք է խոսքով ու գործով արժանի լինել Հայերենիքին ու պետականությանը, մեր ամեն օրվա համար կյանք զոհած հերոսների հիշատակին, ապրել ու արարել այս բացարձակ արժեքների գիտակցումով:
1991 թվականի սեպտեմբերի 21-ին մեր պետությունը ստեղծվեց միլիոնավոր մարդկանց հավատով ու նվիրական երազանքներով, և որևէ իշխանություն չի կարող ձևախեղել այս արժեքները հանուն սեփական իշխանության կամ ստորաբերել դրանք իր իսկ սխալները կոծկելուն:
Շնորհավորում եմ բոլորիս մեր նվիրական Հայաստանի Անկախության տոնի առիթով»։
