«ՌԴ անխոհեմ վարքագիծը» և «Արևմուտքի վճռականության փորձություն». ՆԱՏՕ-ի և ԵՄ-ի արձագանքը Էստոնիայում օդային միջադեպին
«Այսօր ռուսական կործանիչները խախտել են Էստոնիայի օդային տարածքը։ ՆԱՏՕ-ն անմիջապես արձագանքել է և խոցել ռուսական ինքնաթիռները։ Սա Ռուսաստանի անխոհեմ վարքագծի և ՆԱՏՕ-ի՝ դրան արձագանքելու կարողության ևս մեկ օրինակ է»,- հայտարարել է Դաշինքի խոսնակ Ալիսոն Հարթը, փոխանցում է BBC-ն։
Էստոնիայի պաշտպանության ուժերը հայտնել են, որ Իտալիայի ռազմաօդային ուժերի F-35 կործանիչները, որոնք տեղակայված են Էմարի օդանավակայանում՝ ՆԱՏՕ-ի Բալթյան օդային ոստիկանության առաքելության շրջանակում, արձագանքել են միջադեպին։
«Պուտինը փորձարկում է Արևմուտքի վճռականությունը,- միջադեպը մեկնաբանել է ԵՄ արտաքին քաղաքականության ղեկավար Կայա Կալլասը,- Մենք չպետք է թուլություն ցուցաբերենք»։
