Չափազանց վտանգավոր սադրանք․ Կայա Կալասը՝ Էստոնիայի օդային սահմանը խախտած ՌԴ կործանիչների մասին
Եվրամիության դիվանագիտության ղեկավար Կայա Կալասը խիստ քննադատել է ռուսական ռազմական օդանավերի կողմից Էստոնիայի օդային տարածքի խախտումը։
«Էստոնիայի օդային տարածքի այսօրվա խախտումը չափազանց վտանգավոր սադրանք է։ Սա արդեն երրորդ նման դեպքն է վերջին օրերի ընթացքում և էլ ավելի է մեծացնում լարվածությունը տարածաշրջանում։ ԵՄ-ն լիովին համերաշխ է Էստոնիայի հետ», –գրել է Կալասը «X» սոցիալական հարթակում։
Նրա խոսքով՝ ԵՄ-ն սերտ կապի մեջ է Էստոնիայի կառավարության հետ և շարունակելու է աջակցել անդամ պետություններին՝ նրանց պաշտպանունակության ամրապնդման գործում։
«Պուտինը փորձում է փորձարկել Արևմուտքի վճռականությունը։ Մենք չպետք է թուլություն ցուցադրենք», – ընդգծել է Կալասը։
