Երիտասարդ ռուս մարմնամարզուհիներին կարգելեն վառ դիմահարդարվել
Ռուսաստանի մարմնամարզության ֆեդերացիան (ՌՄՖ) հայտարարել է մանկական մարմնամարզության մրցումների կանոնների փոփոխությունների մասին, հաղորդում է ТАСС-ը։
2026 թվականի հունվարի 1-ից սկսած՝ 6-ից 9 տարեկան մարզիկները մրցումներում զրոյական գնահատական կստանան, եթե լինեն չափազանց դիմահարդարված կամ քարերով զարդարված հանդերձանք կրեն։
«Այս կանոնակարգերի հիմնական նպատակն է ընդգծել մրցույթի մարզական բնույթը և պահպանել երիտասարդ մարզիկների տեսքի տարիքային համապատասխանությունը»,- նշել է ՌՄՖ-ն։
Ֆեդերացիան հավելել է, որ կանոնների փոփոխությունները կապված են նաև սոցիալական նկատառումների հետ։
«Թանկարժեք զարդերի օգտագործման արգելքը նպաստում է ընտանիքների ֆինանսական բեռի նվազեցմանը և մարմնամարզությունն ավելի մատչելի է դարձնում»,- ընդգծել է ՌՄՖ-ն։
