Ուկրաինան հակամարտության վրա օրական ծախսում է 172 միլիոն դոլար. ԳՇ պետ
Ռազմական հակամարտության մեկ օրը Ուկրաինային արժենում է 172 միլիոն դոլար կամ 7.1 միլիարդ գրիվնա։ Այս մասին հայտարարել է Ուկրաինայի զինված ուժերի գլխավոր շտաբի պետ Անդրեյ Գնատովը։
Հետևաբար, Գնատովի խոսքով, անհրաժեշտ է գործընկերներից միջոցներ ներգրավել ներքին պաշտպանական արդյունաբերության և նորարարական տեխնոլոգիաների զարգացման համար։
«Չպետք է մոռանանք, որ նորարարությունների ներդրումը պահանջում է խելահեղ ֆինանսական ռեսուրսներ: Պատերազմ մղել այնպիսի մեծ և ռեսուրսներով հարուստ երկրի դեմ, ինչպիսին է Ռուսաստանի Դաշնությունը, շատ թանկ է»,- ընդգծել է Գլխավոր շտաբի պետը:
