ԱՄՆ նախագահի հատուկ ներկայացուցիչը Քաբուլում բանակցություններ է վարել Աֆղանստանի ԱԳ նախարարի հետ
Ամերիկյան պատվիրակությունը նախագահի՝ պատանդների հարցերով հատուկ ներկայացուցիչ Ադամ Բելերի գլխավորությամբ, ժամանել է Քաբուլ, որտեղ բանակցություններ է վարել Աֆղանստանի ժամանակավոր կառավարության արտգործնախարար Ամիր Խան Մութաքիի հետ։
Այս մասին հայտնում է Աֆղանստանի արտաքին գործերի նախարարությունը։
«Հանդիպման ընթացքում համապարփակ քննարկում է ծավալվել երկրների միջև երկկողմ հարաբերությունների զարգացման ուղիների, կալանավորված քաղաքացիների փոխանակման հետ կապված հարցերի, ինչպես նաև Աֆղանստանում առկա ներդրումների և այլ հնարավորությունների վերաբերյալ», – ասվում է դիվանագիտական առաքելության X էջում տեղադրված հայտարարության մեջ։
