Հանկարծամահ է եղել Արտավազդ (Արտո) Խաչատուրյանը
Հանկարծամահ է եղել կինոօպերատոր, Հայաստանի կինոգործիչների միության անդամ, Հայաստանի կինոօպերատորների գիլդիայի անդամ, բազմաթիվ սիրված ու ճանաչված ֆիլմերի օպերատոր Արտավազդ (Արտո) Խաչատուրյանը, այս մասին տեղեկանում ենք Հայաստանի կինոգործիչների միության էջից:
«Անհավատալի է, անիրական։
ԱՐՏՈՅԻ կորուստը մեծ ցավ պատճառող կորուստ է, մշակութային կորուստ, լավ մարդու, լավ ընկերոջ, լավ գործընկերոջ կորուստ։
ԱՐՏՈՆ դեռ 62 տարեկան էր և շատ անելիքներ ուներ թե արվեստում, թե իր ընտանիքի ու մտերիմների համար։
Ցավակցում ենք մեր սիրելի գործընկերոջ ընտանիքի անդամներին, մտերիմներին, հարազատներին, կինոհանրությանը, արվեստի մարդկանց»,-նշված է հաղորդագրության մեջ:
Արտավազդ (Արտո) Խաչատուրյանի հոգեհանգիստը տեղի կունենա սեպտեմբերի 5-ին, ժամը 17:30-ին՝ Շահումյանի Մարիամ Աստվածածին եկեղեցում, իսկ վերջին հրաժեշտը նույն վայրից՝ սեպտեմբերի 6-ին, ժամը 11:30-ին:
168.am-ը ցավակցում է Արտավազդ (Արտո) Խաչատուրյանի հարազատներին, ընկերներին և մտերիմներին։
