Պետրոսյանի բնակարանում տասնյակ հազարավոր դոլարների արժողությամբ իրեր են հայտնաբերվել
Կատակերգու Եվգենի Պետրոսյանի և նրա կնոջ՝ Տատյանա Բրուխունովայի Սանկտ Պետերբուրգի բնակարանը լի է ինտերիերի հնաոճ իրերով, որոնց արժեքը հասնում է մի քանի միլիոն ռուբլու: Այս մասին Комсомольская правда-ին տված հարցազրույցում հայտնել է պատմական դեկորի փորձագետ Ռեջինա Վան Վլիտը։
«Հնաոճ իրերի մասնագետի տեսանկյունից հատկապես հետաքրքիր են նկարները, սալիկապատ վառարանը և ճենապակյա հավաքածուն. սա արդեն մշակութային ժառանգության մաս է կազմում»,- նշել է հրատարակության զրուցակիցը:
Նրա խոսքով՝ կատակերգուի բնակարանում կոբալտով նկարված վառարանը հազվագյուտ իր է։ Եթե Պետրոսյանը գներ բնօրինակը, այլ ոչ թե կրկնօրինակը, ապա վառարանը կարող էր արժենալ 1.8-ից մինչև 3.7 միլիոն ռուբլի, իսկ վերականգնվածը՝ նույնիսկ ավելի թանկ։ Բացի այդ, բնակարանի պատերը զարդարված են 19-րդ դարի և 20-րդ դարի սկզբի ռուսական դպրոցի բնանկարներով։ Նման կտավների գինը կախված է հեղինակից. «անանուն» բնանկարները արժեն 280 հազարից մինչև մեկ միլիոն ռուբլի, իսկ եթե հեղինակը հայտնի է և հաստատված՝ 1.8 միլիոն ռուբլի և ավելի։
