Կիսելյովը կոչ է արել ազատ արձակել «Sputnik Ադրբեջանի» ձերբակալված աշխատակիցներին
«Sputnik Ադրբեջանի» լրագրողները պետք է հնարավորինս շուտ ազատ արձակվեն, այլ ոչ թե օգտագործվեն երկու դաշնակից երկրների և ժողովուրդների միջև հարաբերություններում լուրջ ճգնաժամ հրահրելու համար, РИА Новости-ին ասել է «Россия сегодня» մեդիա խմբի գործադիր տնօրեն Դմիտրի Կիսելյովը։
«Մեր գործընկերներն ու ընկերները՝ Իգոր Կարտավիխը և Եվգենի Բելոուսովը, երկու ամիս է՝ կալանավորված են Ադրբեջանում։ Այս ամբողջ ընթացքում որևէ արձագանք չի եղել նրանց կողմից, ովքեր դիտավորյալ օգտագործել են «Sputnik Ադրբեջանի» լրագրողներին՝ երկու դաշնակից երկրների և ժողովուրդների միջև հարաբերություններում լուրջ ճգնաժամ հրահրելու համար։
Լրագրողներին ազատությունից զրկելը, նրանց մեղադրելը սկզբում լրտեսության, ապա՝ խարդախության մեջ, գործողություններ են, որոնք չեն համապատասխանում քաղաքակիրթ նորմերին։ Մենք կրկին կոչ ենք անում արագ ազատ արձակել մեր աշխատակիցներին և նրանց հնարավորություն տալ վերադառնալ հայրենիք»,- РИА Новости-ի հետ զրույցում հայտարարել է Կիսելյովը։
Հունիսի 30-ին Ադրբեջանի իշխանությունները անհիմն կերպով ձերբակալել են «Sputnik Ադրբեջան» գործակալության յոթ անձի, որը «Россия сегодня» մեդիա խմբի մաս է կազմում: «Sputnik Ադրբեջան»-ի խմբագրական խորհրդի ղեկավար Իգոր Կարտավիխը և գլխավոր խմբագիր Եվգենի Բելոուսովը կալանավորվել են չորս ամսով:
