2 միլիարդ 124 միլիոն 844, 7 հազար դրամ՝ Գեղարքունիքի ճանապարհաշինական աշխատանքների համար

ՀՀ կառավարությունը 2 միլիարդ 124 միլիոն 844, 7 հազար դրամ է հատկացրել Գեղարքունիքի մարզի համայնքային, մարզային և հանրապետական նշանակության որոշ ճանապարհների հիմնանորոգման և միջին նորոգման աշխատանքների իրականացման համար։

Ինչպես «Արմենպրես»-ին տեղեկացրել են Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից,  407 միլիոն 336,4 հազար դրամ հատկացվել է  Տ-4-63, /Հ-7/ – Ջիլ մարզային նշանակության ավտոճանապարհի և նորակառույց դպրոց տանող ճանապարհահատվածի հիմնանորոգման համար։

748 միլիոն 883,6 հազար դրամ հատկացվել է  Գեղարքունիքի մարզի Մարտունի քաղաքի Մյասնիկյան, Գևորգ Զիրոյան և Սայաթ Նովա խաչմերուկից մինչև Ն. Գետաշեն բնակավայրի թիվ 2 միջնակարգ դպրոցի խաչմերուկ ավտոճանապարհի հիմնանորոգման համար։

78 միլիոն 824,7 հազար դրամ հատկացվել է Գեղարքունիքի մարզի Գավառ համայնքի Բերդկունք բնակավայրի կենտրոնական փողոցի մի հատվածի ասֆալտապատման համար։

889 միլիոն 800,0 հազար դրամ հատկացվել է  Շողակաթ-Վարդենիս հանրապետական նշանակության ավտոճանապարհի 19 կիլոմետր  հատվածի միջին նորոգման համար։

Բոլոր նշված տեղերում շինարարական աշխատանքներն ընթացքի մեջ են։