Իրանի մտահոգությունները հայ-իրանական սահմանի մոտ 3-րդ ուժերի ներկայության մասին պահպանվում են. Վարդան Ոսկանյան
Իրանագետ Վարդան Ոսկանյանը մեջբերել է Իրանի նախագահ Մասուդ Փեզեշքիանի խոսքերը, որը հրապարակվել է X-ում․
«Դատելով Իրանի նախագահի՝ «X» սոցիալական ցանցի էջում կատարած գրառումից, իրանական կողմի մտահոգությունները հայ-իրանական սահմանին երրորդ ուժերի հնարավոր ներկայության վերաբերյալ պահպանվում են։
Մասուդ Փեզեշքիանը պարսկերենով մասնավորապես գրել է՝
«Հայաստանի վարչապետի հետ հանդիպմանը ընդգծեցի, որ Իրանի Իսլամական Հանրապետության կառավարության համոզմունքը Հայաստանի ինքնիշխանության ու տարածքային ամբողջականության պահպանումը և երկու երկրների միջև սերտ հարաբերությունների շարունակականությունն է։ Մեր մտահոգությունները, կապված ընդհանուր սահմանների մոտակայքում երրորդ ուժերի ներկայության հետ, պետք է ամբողջովին փարատվեն»»,- գրել է իրանագետը։
