Պուտինն առաջարկել է Զելենսկիի հետ հանդիպում անցկացնել Մոսկվայում. AFP
ՌԴ նախագահ Վլադիմիր Պուտինն առաջարկել է Ուկրաինայի նախագահ Վլադիմիր Զելենսկիի հետ հնարավոր հանդիպում անցկացնել Մոսկվայում՝ Ուկրաինայում պատերազմը դադարեցնելու նպատակով, հաղորդում է Ֆրանսպրես գործակալությունը՝ վկայակոչելով ԱՄՆ նախագահ Դոնալդ Թրամփի և Պուտինի միջև հեռախոսազրույցին ծանոթ երկու աղբյուրների։
«Պուտինը հիշատակել է Մոսկվան երկուշաբթի անցկացված հեռախոսազրույցի ժամանակ»,- Ֆրանսպրես գործակալությանը հայտնել է աղբյուրներից մեկը՝ հավելելով, որ Զելենսկին ի պատասխան «ոչ» է ասել։
Ավելի վաղ լրատվամիջոցները հաղորդել էին Ռուսաստանի և Ուկրաինայի առաջնորդների միջև Հռոմում և Ժնևում հնարավոր գագաթնաժողով անցկացնելու հնարավորության մասին։
Միևնույն ժամանակ, Շվեյցարիան պատրաստակամություն էր հայտնել հյուրընկալել Պուտինի և Զելենսկու միջև հանդիպումը։
