Հրապարակվել է «Պարոն Սկորսեզե» վավերագրական սերիալից մի հատված
Apple TV+ հոսքային ծառայությունը հրապարակել է «Պարոն Սկորսեզե» վավերագրական սերիալի դեբյուտային հատվածը։
Մարտին Սկորսեզեի կյանքի և ստեղծագործության մասին պատմող վավերագրական շարքի պրեմիերան տեղի կունենա հոկտեմբերի 17-ին։ Ռեժիսորին նվիրված սերիալը բաղկացած կլինի 5 մասից։
Սկորսեզեից բացի, ձեր էկրաններին կհայտնվեն նաև վերջինիս գործընկերները՝ Ռոբերտ Դե Նիրոն, Լեոնարդո ԴիԿապրիոն, Դենիել Դեյ-Լյուիսը, Քեյթ Բլանշետը, Մարգո Ռոբին և ուրիշներ։ «Պարոն Սկորսեզեն» սերիալի ռեժիսորն է Ռեբեկա Միլլերը։
