Պուտինը նշել է Թրամփի հետ հանդիպման հնարավոր վայրը
Ռուսաստանի նախագահ Վլադիմիր Պուտինն Արաբական Միացյալ Էմիրությունները համարել է ԱՄՆ ղեկավար Դոնալդ Թրամփի հետ իր հանդիպման համար հարմար վայրերից մեկը։ Այս մասին հաղորդում է «Ինտերֆաքս» գործակալությունը:
«Մենք շատ ընկերներ ունենք, որոնք պատրաստ են մեզ օգնել նման միջոցառում կազմակերպել։ Այդ ընկերներից մեկն ԱՄԷ նախագահն է։ Կարծում եմ՝ մենք կորոշենք, բայց սա կլինի միանգամայն հարմար վայրերից մեկը», – ասել է Պուտինը լրագրողներին Կրեմլում ԱՄԷ նախագահ Մուհամմադ բեն Զայեդ Ալ Նահյանի հետ հանդիպմանը։
Ավելի վաղ ՌԴ նախագահի օգնական Յուրի Ուշակովը լրագրողներին ասել էր, որ Պուտինի և Թրամփի հանդիպումը կկայանա առաջիկա օրերին։
