Մեզ սպասվում է շատ բարդ և փորձություններով լի խաղ. Պերկովիչ
«Նոայի» գլխավոր մարզիչ Սանդրո Պերկովիչը խոսել է ՈւԵՖԱ Եվրոպա լիգայի 2025/26 թթ․ խաղարկության որակավորման երրորդ փուլի «Լինկոլն Ռեդ Իմպսի» դեմ կայանալիք առաջին հանդիպման մասին։
«Ես շատ եմ հարգում մեր մրցակցին։ Նրանց խաղացողների մեծ մասը 30 տարեկանից բարձր են։ Շատ փորձառու ֆուտբոլիստներ են Իսպանիայից։ Մենք գիտենք, թե ինչ որակներ ունեն իսպանացի խաղացողները։ Հստակ է, որ մեզ սպասվում է շատ բարդ և փորձություններով լի խաղ»,- Սանդրո Պերկովիչի խոսքերն է մեջբերում ակումբի մամուլի ծառայությունը։
Դիմակայության առաջին խաղը կկայանա այսօր՝ օգոստոսի 7-ին, Երևանի ժամանակով՝ 20:00-ին։
