«Երբեք չէի մտածի, որ կարող եմ դառնալ նեապոլցիների կուռքը». կիսապաշտպան
Կիսապաշտպան Սքոթ Մաքթոմինայը, ով ներկայումս հանդես է գալիս «Նապոլիի» կազմում, կիսվել է Նեապոլի և ակումբի երկրպագուների մասին իր տպավորություններով։
«Իմ ամբողջ ընտանիքը լիարժեք զգաց քաղաքը։ Երբ հանգամանքները թույլ էին տալիս, մենք նաև շփվում էինք մարդկանց, քաղաքում ապրող երկրպագուների հետ։
Նեապոլցիների կո՞ւռք: Երբեք չէի մտածի, որ կարող եմ դառնալ նման մեկը։ Ես ինձ համարում եմ սովորական տղա, ով մեծացել է աշխատասեր մարդկանց ընտանիքում։ Այս մեկ տարում, որ անցկացրել եմ այստեղ, հասկացա, թե որքան անսահման է «Նապոլիի» երկրպագուների սերը իրենց խաղացողների նկատմամբ։ Ես մեծ հարգանք ունեմ նրանց վերաբերմունքի նկատմամբ։
Ինձ համար շատ կարևոր է ամեն խաղում անել առավելագույնը քաղաքի բնակիչների համար. նրանք աներևակայելի աջակցություն ցույց տվեցին մեզ անցած մրցաշրջանում, և ես ուզում եմ, որ նրանք շարունակեն նույն ոգով նաև առաջիկայում»,- Մաքթոմինայի խոսքերը մեջբերում է Sky Sport Italia-ն։
