Բաժիններ՝

Նոր Զելանդիայում ձերբակալվել է 2-ամյա երեխային ճամպրուկի մեջ դրած ավտոբուսով տեղափոխող կինը

Նոր Զելանդիայում կինը ձերբակալվել է այն բանից հետո, ինչ ավտոբուսի վարորդը մեքենայի բեռնախցիկում նրա ճամպրուկի մեջ փակված է հայտնաբերել է 2 տարեկան աղջկա։ Ինչպես հաղորդում է «Արմենպրես»-ը, այս մասին հայտնում է Associated Press գործակալությունը։

Տեղի իշխանությունները հայտնել են, որ օգոստոսի 3-ին ավտոբուսի վարորդը Կայվակա բնակավայրի մոտ նախատեսված կանգառում շարժում է նկատել ճամպրուկի մեջ։ Երբ նա բաց է արել ճամպրուկը, տեսել է դրա մեջ փակված երկու տարեկան աղջկա, ով շատ տաք է եղել, սակայն ֆիզիկական որևէ վնասվածք չի ունեցել։ Իշխանությունները չեն բացահայտում, թե որքան ժամանակ է երեխան անցկացրել ճամպրուկի ներսում։

Աղջկան տեղափոխել են հիվանդանոց, իսկ կինը երեխայի հանդեպ վատ վերաբերմունքի կամ անփութության մեղադրանքով օգոստոսի 4-ին կկանգնի դատարանի առաջ։

Ավտոբուսային ծառայություններ մատուցող InterCity ընկերությունը հաստատել է միջադեպը։ Ընկերությունը գումար չի պահանջում մինչև երեք տարեկան երեխաների համար, ովքեր ճամփորդում են մեծահասակի գրկում։

Բաժիններ՝

Տեսանյութեր

Լրահոս