Պուտինի և Մակրոնի հեռախոսազրույցը քիչ օգուտ տվեց. Լավրով
ՌԴ արտգործնախարար Սերգեյ Լավրովը հայտարարել է.
«Մենք բաց ենք երկխոսության համար, նախագահ Պուտինը բազմիցս խոսել է այս մասին՝ ցանկացած այլ երկրի հետ, այդ թվում՝ եվրոպական երկրների։
Նախագահ Մակրոնը զանգահարեց մեր նախագահին, նա անմիջապես վերցրեց հեռախոսը։ Ճիշտ է, չեմ ուզում բացահայտել զրույցի, շփման գաղտնիքները, բայց, կոպիտ ասած, այս զրույցից քիչ օգուտ եղավ։ Գոնե այն պատճառով, որ հետո նախագահ Մակրոնը սկսեց հրապարակային հայտարարություններ անել, որ Ռուսաստանի վրա պետք է ճնշում գործադրել՝ որպեսզի համաձայնվի անհապաղ դադարեցնել կրակը՝ առանց որևէ պայմանի»։
