Ռուսաստանն ու Ուկրաինան գիշերվա ընթացքում երկկողմ հարձակումներ են իրականացրել
Ուկրաինայի մայրաքաղաք Կիևում հուլիսի 28-ի լույս գիշերը ռուսական կողմի օդային հարձակման հետևանքով վիրավորվել է ութ մարդ, այդ թվում՝ 3-ամյա երեխա։ Այս մասին հայտնում է Reuters-ը։
Տեղի իշխանությունները հայտնել են, որ վիրավորներից չորսը հոսպիտալացվել են։Կիևի քաղաքապետ Վիտալի Կլիչկոն «Տելեգրամ»-ի իր էջում հայտնել է, որ վիրավորները բազմաբնակարան շենքի բնակիչներ են։ Նա նշել է, որ ռուսական կողմի հարձակման հետևանքով վնասվել են շենքի 6-11-րդ հարկերի պատուհանները։
Իր հերթին Ռուսաստանի պաշտպանության նախարարությունը հայտնել է, որ նախորդ գիշեր ոչնչացրել է ուկրաինական 7 անօդաչու թռչող սարք, հայտնում է TASS-ը։
