Գերմանիայում գնացքի ռելսերից դուրս ընկնլու հետևանքով զոհվել է երեք մարդ
Գերմանիայի Բադեն Վյուրտեմբերգի Դաշնային Երկրամասում գնացքի ռելսերից ընկնելու հետևանքով երեք մարդ է զոհվել, մոտ 50-ը՝ վիրավորվել, 25-ը հոգի ծանր վնասվածքներ է ստացել: Այս մասին հաղորդում է Bild-ը:
Միջադեպի հետևանքով զոհված երեք անձանցից երկուսը եղել են Deutsche Bahn երկաթուղային ընկերության աշխատակիցներ, նրանց շարքում է եղել գնացքի մեքենավարը: Ոստիկանությունը հաստատել է, որ վթարի պատճառը, ամենայն հավանականությամբ, եղել է սողանքը:
Վթարը տեղի է ունեցել հուլիսի 27-ին ժամը 18:10-ի սահմաններում Ռիդլինգեն քաղաքից ոչ հեռու: Ռելսերից դուրս է եկել Deutsche Bahn տարածաշրջանային գնացքի երկու վագոն: Վթարի պահին գնացքում եղել է մոտ 100 մարդ: Գնացքը Զիգմարինգենից մեկնել է Ուլմ: Գնացքների երթևեկությունն այդ հատվածում դադարեցվել է:
