ԱՄՆ-ն մտադիր է Ռուսաստանի հետ քննարկել միջուկային զինաթափման հեռանկարները
Միացյալ Նահանգները ակնկալում է մոտ ապագայում Ռուսաստանի հետ սկսել հետագա միջուկային զինաթափման հեռանկարների քննարկումը։
Այս մասին հայտարարել է ԱՄՆ նախագահ Դոնալդ Թրամփը, ՏԱՍՍ-ի խնդրանքով մեկնաբանելով Վաշինգտոնի և Մոսկվայի կողմից ռազմավարական հարձակողական զենքի հետագա կրճատման և սահմանափակման միջոցառումների մասին նոր համաձայնագրի կնքման հեռանկարները։
«Սա այն պայմանագիրը չէ, որի ժամկետի ավարտը դուք ցանկանում եք։ Մենք սկսել ենք աշխատել դրա վրա », – նշել է Թրամփը՝ աշխարհի համար խնդիր համարելով ռազմավարական հարձակողական զենքի հետագա կրճատման և սահմանափակման միջոցառումների մասին պայմանագրի ժամկետի ավարտը։
