Ազատության պողոտա-Մամիկոնյանց փողոց խաչմերուկում տեղի ունեցած վթարի հետևանքով կան տուժածներ
Ազատության պողոտայի և Մամիկոնյանց փողոցի խաչմերուկում հուլիսի 25-ին ժամը 00:25-ին բախվել են «Toyota» և «Audi» մակնիշների ավտոմեքենաները:
Փրկարար ծառայությունից հայտնում են, որ դեպքի վայր մեկնած փրկարարները պարզել են՝ կա երեք տուժած։
Փրկարարները հոսանքազրկել են ավտոմեքենաները, փակել գազի բալոնների փականները և «Toyota» մակնիշի ավտոմեքենայից մեկ տուժածի պատգարակով մոտեցրել են շտապօգնության ավտոմեքենային։
Տուժածները հոսպիտալացվել են բժշկական կենտրոններ։
