Թուրքիան և Մեծ Բրիտանիան փոխըմբռնման հուշագիր են ստորագրել Eurofighter Typhoon կործանիչների շուրջ համագործակցության վերաբերյալ
Թուրքիան և Մեծ Բրիտանիան փոխըմբռնման հուշագիր են ստորագրել Eurofighter Typhoon կործանիչների շուրջ համագործակցության վերաբերյալԹուրքիայի պաշտպանության նախարար Յաշար Գյուլերը և Մեծ Բրիտանիայի պաշտպանության նախարար Ջոն Հիլին ստորագրել են փոխըմբռնման ամբողջական հուշագիր Թուրքիային որպես Eurofighter Typhoon կործանիչների օպերատոր ընդունելու վերաբերյալ:
Այս մասին հաղորդում է Anadolu գործակալությունը։ Ըստ Թուրքիայի ազգային պաշտպանության նախարարության՝ հուշագիրը ստորագրվել է Ստամբուլում կայացած 17-րդ միջազգային պաշտպանական արդյունաբերության ցուցահանդեսի ժամանակ:
«Պաշտպանության նախարարներն այսօր համատեղ ստորագրել են փոխըմբռնման հուշագիր: Այս փաստաթուղթը համակարգում է երկրների միջև հարաբերությունները՝ նրանց մեկ քայլով մոտեցնելով Typhoon-ի վերաբերյալ լիարժեք համաձայնագրի: Երկու նախարարներն էլ ողջունում են ստորագրումը որպես դրական քայլ Թուրքիայի՝ Typhoon ակումբին միանալու ուղղությամբ և կիսում են փոխադարձ ձգտումը՝ հնարավորինս շուտ ավարտելու անհրաժեշտ պայմանավորվածությունները», – ասվում է նախարարության հայտարարության մեջ:
Կողմերը նաև ընդգծել են երկու երկրի մինչև բազմամյա պաշտպանական համագործակցությունն, այդ թվում՝ ՆԱՏՕ-ի միջոցով, ինչպես նաև պաշտպանական արդյունաբերության և անվտանգության հարցերում հարաբերությունների զարգացումը։
«Երկու երկրները շարունակում են գերազանց առաջընթաց գրանցել Eurofighter Typhoon-ի արտահանման գործում։ Թուրքիային որպես Typhoon-ի օպերատոր ընդունելը…. նշանակալի քայլ կլինի Թուրքիայի առաջադեմ մարտական օդային կարողությունների բարելավման ուղղությամբ», – հայտնել են Թուրքիայի պաշտպանական գերատեսչությունում։
Eurofighter Typhoon չորրորդ սերնդի բազմաֆունկցիոնալ կործանիչները ներկայում շահագործվում են Գերմանիայի, Իտալիայի, Իսպանիայի, Մեծ Բրիտանիայի, Ավստրիայի, Սաուդյան Արաբիայի, Քուվեյթի, Օմանի, Կատարի օդային ուժերի կողմից։
