Տուսկը ներկայացրել է Լեհաստանի կառավարության նոր կազմը
Լեհաստանի վարչապետ Դոնալդ Տուսկը ներկայացրել է նախարարների կաբինետի նոր կազմը: Այս մասին հաղորդում է TVP Info-ն։Տուսկը նշել է, որ վերաբաշխումների նպատակն էր տարաձայնությունների հաղթահարումը կառավարող կոալիցիայում։
Վարչապետի խոսքով՝ նախարարների նոր կաբինետի առաջնահերթ խնդիրները կլինեն պայքարը «Ռուսաստանի և Բելառուսի ագրեսիվ գործողությունների», «ներքին ասպարեզում դիվերսիայի» դեմ, ինչպես նաև կարգուկանոնի վերականգնումը:
«Ներկայում մենք որոշակի իմաստով ապրում ենք նախապատերազմական ժամանակներ», – հայտարարել է նա: Նախարարների կաբինետի կազմը 26-ից կրճատվել է մինչև 21, ընդգծել է վարչապետը: Արտաքին գործերի նախարար Ռադոսլավ Սիկորսկին նաև ստացել է փոխվարչապետի պաշտոն:
Տուսկն այդ բարձրացումը բացատրել է «Ուկրաինայի հետ բարդ հարաբերություններն» ավելի բարձր մակարդակով կարգավորելու անհրաժեշտությամբ:
