Սիրիայի նախագահը հայտարարել է աս-Սուվեյդա նահանգում անհապաղ hրադադարի մասին
Աս-Սուվեյդա նահանգի դրուզներով բնակեցված շրջանում մի քանի օր տևած արյունահեղությունից հետո Սիրիայի նախագահ Ահմեդ ալ-Շարաան շաբաթ օրը հայտարարել է անհապաղ և համապարփակ հրադադարի մասին։ Արյունահեղության արդյունքում զոհվել է ավելի քան 700 մարդ։ Այս մասին հաղորդում է Reuters-ը։
Սիրիայի նախագահը կոչ է արել բոլոր կողմերին պահպանել հրադադարի ռեժիմը և անհապաղ դադարեցնել մարտական գործողությունները բոլոր շրջաններում։
Հիշեցնենք, որ ավելի վաղ Թուրքիայում ԱՄՆ դեսպան Թոմ Բարաքը հայտարարել է, որ Իսրայելը և Սիրիան համաձայնության են եկել աս-Սուվեյդա նահանգում հրադադարի շուրջ։
