Մերցը Գազայի հանդեպ Իսրայելի մոտեցումն անընդունելի է համարել
Գերմանիայի կանցլեր Ֆրիդրիխ Մերցը հուլիսի 18-ին հանդես է եկել Իսրայելին ուղղված սուր քննադատությամբ։
Այս մասին հայտնում է Deutsche Welle պարբերականը։
Մերցը, ելույթ ունենալով ամառային ամենամյա մամուլի ասուլիսում, նշել է, որ Իսրայելի մոտեցումը Գազայի նկատմամբ «այլևս անընդունելի է»։
Կանցլերը կոչ է արել անհապաղ հրադադար հաստատել պաշարված անկլավում, որտեղ զոհերի թիվն այս շաբաթ գերազանցել է 58 000-ը։Նա նաև կոչ է արել ավելի շատ մարդասիրական օգնություն ցուցաբերել Գազայի բնակիչներին, ինչը լրջորեն խոչընդոտել է Իսրայելը՝ Գազայից բոլոր միջազգային օգնության ծրագրերը դուրս մղելու որոշմամբ՝ ի օգուտ ԱՄՆ-ի կողմից ղեկավարվող և Իսրայելի կողմից աջակցվող «խիստ վիճահարույց» Գազայի մարդասիրական հիմնադրամի (GHF), որը քննադատներն անվանել են ցինիկ մահվան ծուղակ իրենց ընտանիքների համար սնունդ փնտրող հուսահատ պաղեստինցիների համար։Մե
րցը տեղեկացրել է, որ կանոնավոր կապի մեջ է Իսրայելի վարչապետ Բենիամին Նեթանյահուի հետ, և որ առաջարկել է ավելացնել անկլավին տրամադրվող գերմանական օգնությունը։Մերցը նաև շեշտել է, որ իր կառավարությունը չի աջակցում Իսրայելի բնակեցման քաղաքականությանը՝ հավելելով, որ նա հստակ արտահայտել է այդ դիրքորոշումը Նեթանյահուի հետ իր հեռախոսազրույցների ժամանակ։«Մեր դիրքորոշումը պարզ է։ Մենք անում ենք այն ամենն, ինչ կարող ենք անել երկու կողմերի (Իսրայելի և Գազայի պաղեստինցիների) համար»,- նշել է Մերցը՝ ավելացնելով, որ «Իսրայել պետությունը կդադարի գոյություն ունենալ», եթե չպաշտպանվի։ «Մենք տեսնում ենք պաղեստինյան ժողովրդի տառապանքները և փորձում ենք անել ամեն ինչ, որպեսզի մարդասիրական օգնություն տրամադրենք», – ասել է Գերմանիայի կանցլերը։
Մերցը կրկին դեմ է արտահայտվել ԵՄ-ի և Իսրայելի միջև ասոցացման համաձայնագրի կասեցման կոչերին, ինչպես նաև կտրականապես մերժել է Ռուսաստանի կողմից Ուկրաինայում պատերազմի ծավալման և Գազայի նկատմամբ Իսրայելի մոտեցման միջև ցանկացած համարժեքություն՝ նշելով, որ Ռուսաստանը սկսել է ագրեսիվ պատերազմ, մինչդեռ Իսրայելը պաշտպանվում էր ՀԱՄԱՍ-ից։
