Ադրբեջանը հրաժարվել է մասնակցել Մոսկվայում ԱՊՀ տնտեսական խորհրդի նիստին
Ադրբեջանը հրաժարվել է մասնակցել Մոսկվայում կայանալիք ԱՊՀ տնտեսական խորհրդի նիստին: Այս մասին հայտնում են ադրբեջանական լրատվամիջոցները:
Նշվում է, որ Ադրբեջանը սովորաբար ԱՊՀ նիստերին ներկայացնում է առաջին փոխվարչապետ Յագուբ Էյուբովը։
«Յագուբ Էյուբովը ներկա չի լինի այս միջոցառմանը։ Այս որոշման պատճառը Եկատերինբուրգում վերջերս տեղի ունեցած իրադարձություններն են, անցյալ տարվա վերջին ՌԴ-ի կողմից AZAL ինքնաթիռի խոցումը և ռուսական կողմի՝ այդ խնդիրները լուծելու համար համարժեք քայլեր ձեռնարկելու անպատրաստ լինելը», – ասել է աղբյուրը։
