Կիևը ԵՄ-ից 1 մլրդ եվրո է ստացել ռուսական սառեցված ակտիվների շահույթից
Ուկրաինան Եվրամիությունից ստացել է 1 միլիարդ եվրո՝ ռուսական սառեցված ակտիվներից ստացված շահույթի հաշվին:
Այս մասին հաղորդել է Ուկրաինայի վարչապետ Դենիս Շմիհալն իր Telegram ալիքում:
«Մենք շնորհակալ ենք մեր եվրոպացի գործընկերներին իրենց համերաշխության և վստահության համար», – գրել է Ուկրաինայի վարչապետը:
Շմիհալի խոսքով՝ տարեսկզբից Ուկրաինան արդեն ստացել է ավելի քան 18,5 միլիարդ դոլար՝ ռուսական սառեցված գումարների հաշվին։
«Մենք այդ միջոցներն ուղղորդում ենք Ուկրաինայի կայունությանը և արագ վերակառուցմանը», – հավելել է նա:
Շմիհալը նաև գործընկերներին կոչ է արել համագործակցել իրենց հետ՝ «ռուսական բոլոր ակտիվների լիակատար բռնագրավման համար իրավական գործիքներ մշակելու համար»:
