Մոսկվան մտադիր է ոչ պաշտոնական պատվիրակություն ուղարկել Բաքու՝ հարաբերություններ հաստատելու համար․VChK-OGPU
Մոսկվան մտադիր է ոչ պաշտոնական պատվիրակություն ուղարկել Բաքու՝ երկու երկրների միջև հակամարտությունը ոչ պաշտոնական ճանապարհով լուծելու փորձ կատարելու համար, հաղորդում է VChK-OGPU Telegram հեռուստաալիքը՝ հղում անելով աղբյուրին։
Աղբյուրի փոխանցմամբ՝ պատվիրակությունը «անձնապես Պուտինից» կփոխանցի ստացված ուղերձը և կարող է նաև առաջարկել ձերբակալվածների «փոխանակում»։
Աղբյուրը չի բացառում, որ ոչ պաշտոնական պատվիրակությունը կարող է գլխավորել Պուտինի նախկին անձնական օգնական և ներկայիս արտակարգ իրավիճակների նախարար Ալեքսանդր Կուրենկովը, ով լավ անձնական հարաբերություններ է զարգացրել Ադրբեջանի ներկայացուցիչների հետ։
Աղբյուրի փոխանցմամբ՝ Կրեմլը ներկայումս չի պլանավորում բարդացնել հարաբերությունները Ադրբեջանի հետ։ «Դա չի բխում Մոսկվայի շահերից, և չկա մի քանի ուղղություններով հակամարտություն սկսելու և կարևոր տարածաշրջանում ռազմավարական գործընկերոջը կորցնելու հնարավորություն»։
