«Տաշիրի» գրասենյակում խուզարկությունները փաթեթավորված են խոշոր չափի հարկեր, տուրքեր չվճարելու հանգամանքով
Արդեն մի քանի ժամ է՝ «Տաշիր» ընկերության գլխավոր գրասենյակում խուզարկություն է ընթանում:
«Քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում առանձնապես խոշոր չափերով փողերի լվացման և առանձնապես խոշոր չափերով հարկերը, տուրքերը կամ այլ վճարներ չվճարելու հատկանիշներով նախաձեռնված քրեական վարույթի նախաքննության ընթացքում «Տաշիր գրուպի» գլխավոր գրասենյակում իրականացվում են անհետաձգելի քննչական գործողություններ»,- ի պատասխան 168.am-ի հարցի՝ ո՞ր գործի շրջանակում են ընթանում խուզարկությունները «Տաշիրի» գրասենյակում, պատասխանեցին Քննչական կոմիտեից:
