Չինաստանի առաջնորդն առաջին անգամ ներկա չի լինի ԲՐԻԿՍ-ի գագաթնաժողովին
Չինաստանի նախագահ Սի Ցզինպինը չի մասնակցի Ռիո դե Ժանեյրոյում անցկացվելիք ԲՐԻԿՍ-ի գագաթնաժողովին։ Դա նրա առաջին բացակայությունը կլինի զարգացող առաջատար տնտեսությունների հանդիպմանը, երեքշաբթի The Washington Post-ը տեղեկացել է մի քանի աղբյուրներից։
Ըստ գործին ծանոթ պաշտոնյաների՝ Պեկինը Բրազիլիայի կառավարությանը հայտնել է, որ Սի Ցզինպինը ժամանակացույցի հետ կապված դժվարություններ ունի։ Փոխարենը, սպասվում է, որ վարչապետ Լի Ցյանը կգլխավորի չինական պատվիրակությունը, ինչպես նա արեց 2023 թվականին Հնդկաստանում անցկացված G20 գագաթնաժողովի ժամանակ, հաղորդում է South China Morning Post-ը։
