Թեհրանը հրադադարի որևէ համաձայնագիր չի ստորագրել Թել Ավիվի հետ. Իրանի ԱԳՆ
Իրանը Իսրայելի հետ հրադադարի մասին ոչ մի համաձայնագիր չի ստորագրել։ Այս հայտարարությունն արել է Իրանի Իսլամական Հանրապետության արտաքին գործերի նախարարի տեղակալ Սաիդ Խաթիբզադեն։
Նրա խոսքով՝ իսրայելական ագրեսիայի դադարեցումից հետո Իրանը պատասխան հարվածներ չի հասցրել։
«Այն, ինչ տեղի ունեցավ, սիոնիստների կողմից ագրեսիայի դադարեցում էր, և դրան զուգահեռ Իրանը, պահպանելով պատրաստականությունը, ոչ մի հարձակում չի իրականացնի», – իրանցի դիվանագետի խոսքերն է մեջբերում «Mehr» գործակալությունը:
