ԱԷՄԳ-ն Իրանում ճառագայթման մակարդակի բարձրացման մասին տեղեկատվություն չի ստացել
Ատոմային էներգիայի միջազգային գործակալությունը (ԱԷՄԳ) հայտնել է, որ ԱՄՆ հարվածներից հետո Իրանի միջուկային օբյեկտներից դուրս ճառագայթման մակարդակի բարձրացման մասին տեղեկատվություն չի ստացել։
«Իրանում երեք միջուկային օբյեկտների, այդ թվում՝ Ֆորդոյի վրա հարձակումներից հետո ԱԷՄԳ-ն կարող է հաստատել, որ այս պահին օբյեկտներից դուրս ճառագայթման մակարդակի բարձրացման մասին որևէ հաղորդում չի եղել», – ասվում է գործակալության հայտարարության մեջ X-ում։
Հունիսի 22-ի գիշերը ԱՄՆ նախագահ Դոնալդ Թրամփը հայտնել է, որ ԱՄՆ ռազմաօդային ուժերը հաջողությամբ հարձակվել են «Իրանում երեք միջուկային օբյեկտների, այդ թվում՝ Ֆորդոյի, Նաթանզի և Սպահանի վրա»։ Նա ասել է, որ Թեհրանը պետք է համաձայնի դադարեցնել հակամարտությունը։
