Թրամփը Նեթանյահուին հորդորել է շարունակել Իրանի դեմ ռազմական գործողությունները
ԱՄՆ նախագահ Դոնալդ Թրամփը հայտարարել է, որ իր վերջին հեռախոսազրույցի ընթացքում Իսրայելի վարչապետ Բենյամին Նեթանյահուին հորդորել է շարունակել Իրանի դեմ ռազմական գործողությունները։ Այս մասին Թրամփը նշել է Սպիտակ տան մերձակայքում լրագրողների հետ զրույցում։
Հարցին, թե ինչ է փոխանցել Նեթանյահուին հեռախոսազրույցի ընթացքում, Թրամփը կարճ պատասխանել է. «Շարունակեք»:
Թրամփը նաև նշել է, որ Նեթանյահուն լավ մարդ է, որը լավ է կատարում իր աշխատանքը, սակայն, ըստ նրա, Իսրայելն անարդար է վարվել Նեթանյահուի հետ։
